O Liceo de Ourense organiza o XI Premio Literario “Carlos Casares” na modalidade de microrrelato e vinculado, nesta edición, a contidos relacionados coa gastronomía. Poderá concorrer a este premio calquera persoa que presente escritos inéditos, cunha extensión máxima de 1.500 caracteres, antes do 11 de maio de 2012.
O concurso está dotado cun premio de 1.500 euros para a persoa gañadora, e a entrega terá lugar nun acto literario enmarcado nas Festas do Liceo, que se celebrarán o 25 de maio. O xurado estará integrado polo presidente do Liceo, Maite González en representación do Grupo Cuevas, patrocinador do concurso, Teresa Devesa, Loly Conde, Rosa Estévez, Segismundo Bobillo e Xavier Casares. Actuará como secretario Juan Fonseca Moretón.
