Hoxe ás 10.30 horas presentáronse aos medios de comunicación os “VI Encontros de Mondariz-Balneario”, que este ano están dedicados ás diversas perspectivas sobre América Latina.
O director dos Encontros, Carlos Fernández, destacou aos medios presentes a importancia deste evento que cumpre o seu sexto ano como foro estable que discute sobre cuestións fundamentais do mundo contemporáneo. Ademais, os Encontros delimitan un espazo para o diálogo libre, aberto e cordial para o debate de ideas procedentes de áreas profesionais e campos ideolóxicos distintos.
Este ano, os Encontros, que teñen por presidencia de honra á S.M. El-Rei Xoán Carlos I, contarán coa presenza do politólogo e profesor titular da Facultade de Ciencias Políticas e Socioloxía da UCM, Jorge Verstrynge; do xeneral en xefe do Exército chileno ata 2006, Juan Emilio Cheyre; do xeneral en xefe do Éxercito nicaraguano Javier Alonso Carrión; do Doutor en Dereito Pedro Puy Fraga; do ensaísta cubano e crítico de arte, Iván de la Nuez; do Catedrático de Socioloxíada UCM, José Vidal-Beneyto; do xornalista peruano licenciado en Dereito e Ciencias da Información, Luis Esteban González Manrique; e do Catedrático e Director do Departamento de Economía Aplicada na Universidade de Vigo, Xosé Carlos Arias.
