O xoves 28 de maio, ás 11 horas no Centro Cultural da Deputación de Ourense (edificio Simeón) tivo lugar a presentación dos Cursos de Verán de Extensión Universitaria da Vicerreitoría do Campus de Ourense. Como cada ano, a nosa Fundación formará parte deles organizando, a través da súa Catedra Carlos Casares, o VI Curso Universitario de Verán de Comunicación Audiovisual, este ano centrado no tema “O audiovisual e as industrias culturais”.
No acto de presentación estiveron presentes o presidente da Deputación Provincial de Ourense, Xosé Luís Baltar, o vicerreitor do Campus de Ourense, Juan Francisco Gálvez, o técnico de cultura de Celanova, Antonio Piñeiro e mais o director da Fundación Carlos Casares, Gustavo Adolfo Garrido.
O Curso Universitario de Verán de Celanova ten xa aberta a súa matrícula. Para máis información podedes consultar a páxina dos Cursos de Verán da Vicerreitoría do Campus de Ourense, a páxina web do Consorcio Audiovisual de Galicia e mais o programa e o cartel na sección de próximas actividades.
