A emancipación laica: feitos e principios. Este é o título do relatorio do profesor Henri Peña-Ruíz para a terceira sesión dos VII Encontros de Mondariz-Balneario, o próximo mércores 21 de outubro ás 10 horas. Peña-Ruíz compartirá mesa co arcebispo de Pamplona e bispo de Tudela (emérito en ambas sedes) Fernando Sebastián Aguilar.
Henri Peña-Ruíz é profesor e filósofo francés de orixe española, Catedrático no Instituto Fenelon, e no Instituto de Estudos Políticos de París. Os seus estudos e libros seguen dous rumbos: a filosofia do laicismo, e a reflexión sobre as expresións sensibles dos conceptos. En 2003 foi un dos vinte sabios da Comisión sobre o laicismo presidida por Bernard Stasi. Implicado na política, é membro do Partido de Esquerda (PG). Entre as súas obras destacan Dieu et Marianne: philosophie de la laïcité (1999), La laïcité pour l´égalité (2001) o Le Roman du monde, légendes philosophiques (2001), algunhas das cales foron traducidas ao castelán.
Podedes consultar algúns vídeos na rede sobre o profesor Peña-Ruíaz, entre eles a súa participación nun mitin electoral de maio de 2009 e un coloquio no senado francés sobre “A República fronte aos comunitarismos” en novembro de 2006.
