En abril de 2004 a Fundación Carlos Casares tiña programado un acto en Vigo no que ían participar José Saramago e Darío Villanueva. Nel faríase a presentación da novela Ensayo sobre la lucidez do escritor portugués, que viña de saír do prelo. Debido a un repentino e grave problema de saúde de Saramago, o acto houbo de ser suspendido en última instancia.
Hoxe mesmo, a sete días do pasamento do escritor e nóbel portugués, o suplemento EL CULTURAL do xornal madrileño EL MUNDO, publica un interesante artigo de Darío Villanueva no que recupera as preguntas que quedaron no aire daquela. O académico de RAE e membro do Padroado da Fundación Carlos Casares, retoma aquela conversa interrumpida co seu amigo José Saramago e recolle da súa obra as respostas: “Algunas viejas preguntas a José Saramago“.
