O mércores día 17 de novembro ás 20.00 h terá lugar, na Sede Fundación Caixa Galicia de Ferrol, unha Mesa redonda sobre a presenza de España no continente antártico. Previamente, ás 18.45 h, efectuarase a preestrea do documental Extremo Sur, unha viaxe á fin do mundo, producido por Zenit TV para Televisión de Galicia e dirixido por Mª Ignacia Ceballos.
O evento enmárcase dentro do convenio anual que a nosa Fundación mantén co Concello de Ferrol e que permite ao público da cidade departamental achegarse, sen intermediacións, aos temas máis actuais, podendo confrontar a propia opinión coa experiencia dos protagonistas.
A Mesa Redonda deste ano pretende enfocar o tema dende os ángulos científico, xurídico e loxísitico-militar. Para iso, contamos cos seguintes invitados:
– D. Santiago Bolíbar Piñeiro. Almirante Xefe do Arsenal de Ferrol, que actuará de moderador.
– D. Julio Jorge Urbina. Prof. Titular da USC, experto en Dereito Internacional Público.
– D. Carlos Manuel Arenas de Bedmar. Capitán de Corbeta, ex Comandante do BIO “Las Palmas”.
– D. Mariano Lastra Valdor. Prof. Titular da UVigo, director de proxecto da Campaña Antártida 2009-2010.
O acceso é libre e gratuíto.
