O pasado 14 de novembro rematou o prazo para a entrega de obras para o II Premio Literario Carlos Casares de Microrrelato. Con máis de 30 obras presentadas, o primeiro premio deste ano foi para Nerea Paz Martínez (IES Lagoa de Antela de Xinzo de Limia) por “Tras do solpor”; quedando como finalista Iker Domínguez Porto (IES Carlos Casares de Viana do Bolo) por “Todo cambia”. Houbo accésit para María Fernández García (IES Carlos Casares de Viana do Bolo) por “O xardín de Antía”. Os nosos parabéns para os tres autores nobeles.
A entrega dos premios terá lugar durante a tradicional Gala literaria, no Salón Nobre do Liceo de Ourense, na tarde do sábado día 29 de novembro ás 18.30 horas.
No acto, presentado por Marina Sánchez, as persoas gañadoras lerán os orixinais premiados. As actuacións musicais correrán a cargo de Divisi-Ensemble.
Enlace: Acta do fallo do premio literario Carlos Casares de microrrelato
