Dirixido a escolares de Nigrán e Panxón, o 2º Concurso Escolar Municipal de relato curto “As laranxas que medraban en Nigrán” terá lugar do 15 de febreiro ao 30 de marzo de 2024.
As persoas interesadas en participar deben ser alumnado dos centros de Nigrán (CEIP Humberto Juanes de Nigrán, Mallón, Carlos Casares de Vilariño, da Cruz en Camos, CPI Arquitecto Palacios en Panxón, Ángel de la Guarda en Priegue e Estudio de Chandebrito) e CEE Juan María de Parada e CEE de Panxón.
A historia debe xirar en torno a froitas animadas como protagonistas e o prazo de presentación de obras finaliza o 30 de marzo. A entrega de premios realizarase nunha gran gala o sábado 27 de abril no Auditorio Municipal, constando de cadanseu lote de libros para as 5 primeiras persoas clasificadas e diplomas para todas as participantes.
Enlace: Bases do concurso
O humor é unha das mellores capacidades do ser humano. Para algúns autores é a maior mostra de intelixencia que existe. Serve de axuda nos momentos difíciles e comprometidos, é capaz de alegrarnos o día, resulta beneficioso para a saúde permítenos aprender e ensinar valiosas leccións. Coa exposición “Sorrisos por un mundo. Carlos Casares e o humor”, a Fundación Carlos Casares pretende explicar os distintos aspectos do humor, e achegarnos ás interpretacións e usos que adoitamos darlle en Galicia, así como noutras partes do mundo.
De maneira máis concreta, a mostra afonda tamén sobre o tratamento do humor na vida e na obra de Carlos Casares. Sabemos que o escritor posuía un fino sentido do humor; notámolo facilmente nos seus contos infantís, na súas novelas e relatos e, sobre todo, nos comentarios que verquía na súa columna “Á marxe” de La Voz de Galicia. É un humor sinxelo que nace da intelixencia e da paixón polo ser humano, polo gusto de contar historias, que envolvía coa fina retranca da oralidade daquel xeito que tan ben se lle daba. Incluímos tamén unha serie de caricaturas do escritor e fotografías onde o escritor aparece en situacións cómicas. Aproveitamos, de paso, para botar un sorriso cómplice.
ENLACE: “Sorrisos por un mundo. O humor en Carlos Casares” (sitio web da exposición)
O humor é unha das mellores capacidades do ser humano. Para algúns autores é a maior mostra de intelixencia que existe. Serve de axuda nos momentos difíciles e comprometidos, é capaz de alegrarnos o día, resulta beneficioso para a saúde permítenos aprender e ensinar valiosas leccións. Coa exposición “Sorrisos por un mundo. Carlos Casares e o humor”, a Fundación Carlos Casares pretende explicar os distintos aspectos do humor, e achegarnos ás interpretacións e usos que adoitamos darlle en Galicia, así como noutras partes do mundo.
De maneira máis concreta, a mostra afonda tamén sobre o tratamento do humor na vida e na obra de Carlos Casares. Sabemos que o escritor posuía un fino sentido do humor; notámolo facilmente nos seus contos infantís, na súas novelas e relatos e, sobre todo, nos comentarios que verquía na súa columna “Á marxe” de La Voz de Galicia. É un humor sinxelo que nace da intelixencia e da paixón polo ser humano, polo gusto de contar historias, que envolvía coa fina retranca da oralidade daquel xeito que tan ben se lle daba. Incluímos tamén unha serie de caricaturas do escritor e fotografías onde o escritor aparece en situacións cómicas. Aproveitamos, de paso, para botar un sorriso cómplice.
ENLACE: “Sorrisos por un mundo. O humor en Carlos Casares” (sitio web da exposición)
A Fundación Carlos Casares ten este ano o compromiso de recuperar a figura senlleira de Domingo García-Sabell en Santiago de Compostela, onde tivo o seu berce. Cumprido xa o 20º cabodano, unha efeméride que pasou inxustamente desapercibida, queremos botar algo de luz á súa figura. A xornada comezará ás 12:30 horas no cemiterio de Boisaca cunha ofrenda floral e unha breve lectura de textos do autor. Continuará ás 19:00 horas no Consello da Cultura Galega, nunha sala posta á nosa disposición, cunha mesa redonda na que participarán Xesús Alonso Montero, Marina Mayoral e Darío Villanueva, que será moderada por Serxio María Rodríguez Álvarez. A recepción dos asistentes comezará quince minutos antes, á 18:45 horas, para facilitar a súa acomodación e iniciar o acto á hora exacta.
O Concello de Nigrán e a Fundación Carlos Casares colaboran un ano máis para homenaxear, potenciar e dar a coñecer a figura e obra de Carlos Casares entre a mocidade do concello a través dun concurso literario, en cuxa gala prevista para o sábado 27 de abril se fará entrega de premios.
No evento, ademais da entrega de premios a escolares participantes no II Concurso Escolar Municipal de Relato Cutro “As laranxas que medraban en Nigrán”, tamén contaremos coas actuacións da Banda Xuvenil da Esola da Agrupación Musical de Vincios, dirixida por María García Bustos, a Compañía Almadanza, Dúo Carrera, Xérmola e Xosé Poldras.
O acto será presentado e conducido por Marina Sánchez-Canal.
O humor é unha das mellores capacidades do ser humano. Para algúns autores é a maior mostra de intelixencia que existe. Serve de axuda nos momentos difíciles e comprometidos, é capaz de alegrarnos o día, resulta beneficioso para a saúde permítenos aprender e ensinar valiosas leccións. Coa exposición “Sorrisos por un mundo. Carlos Casares e o humor”, a Fundación Carlos Casares pretende explicar os distintos aspectos do humor, e achegarnos ás interpretacións e usos que adoitamos darlle en Galicia, así como noutras partes do mundo.
De maneira máis concreta, a mostra afonda tamén sobre o tratamento do humor na vida e na obra de Carlos Casares. Sabemos que o escritor posuía un fino sentido do humor; notámolo facilmente nos seus contos infantís, na súas novelas e relatos e, sobre todo, nos comentarios que verquía na súa columna “Á marxe” de La Voz de Galicia. É un humor sinxelo que nace da intelixencia e da paixón polo ser humano, polo gusto de contar historias, que envolvía coa fina retranca da oralidade daquel xeito que tan ben se lle daba. Incluímos tamén unha serie de caricaturas do escritor e fotografías onde o escritor aparece en situacións cómicas. Aproveitamos, de paso, para botar un sorriso cómplice.
ENLACE: “Sorrisos por un mundo. O humor en Carlos Casares” (sitio web da exposición)
Este 21 de novembro ás 20 horas, o Espazo MUTA acollerá unha noite máxica onde a literatura de Carlos Casares cobrará nova vida a través da interpretación da alumna da ESAD Galicia, Sophia Fernández Ronaldo e da actriz Mariana Carballal.
A música será o fío condutor desta segunda sesión de “MutaCións: Alén da Norma”, co dúo Claudia Abril (voz e percusións) e Marina Carpente (violín e voz), reinterprentando melodías tradicionais galegas cun toque contemporáneo. Tamén estarán no evento Bea Míguez Beutxi e Franc Gorriz, que presentarán en conxunto unha experimentación de voz e percusión creada especialmente para a ocasión.
O evento complementarase con viños da adega Alvaredos-Hobbs da Ribeira Sacra, xunto con petiscos para o público asistente, que completarán esta celebración dos sentidos.
“MUTACIÓNS: Alén da Norma” recibe a axuda das adegas participantes, así como da Secretaría Xeral de Lingua da Xunta de Galicia.
O sábado 30 de novembro, ás 18 horas, o Salón Nobre do Liceo de Ourense acollerá a gala de entrega do Premio Literarios “Carlos Casares” de microrrelato. Ademais das tres persoas gañadoras dos premios, o público asistente poderá gozar coas actuacións da Banda Xuvenil da Agrupación Musical de Vincios, dirixida por María García Bustos; a actuación de danza de Luper Carballo; o dúo de clarinetistas Carrera; o teatro de Xérmola. Cantos e Contos; e o debuxo artístico de Xosé Poldras. Este evento multidisciplinar e transversal de artes e literatura será presentadopor Marina Sánchez, de Canal Cultura.
Este acto, organizado pola Fundación Carlos Casares e por Xosé Carlos Ares, está subvencionado pola Xunta de Galicia, a Deputación de Ourense e Caldaria, e conta co apoio do Liceo de Ourense.
Volver as Conversas da Fundación Carlos Casares a Ourense. Baixo o título de Diálogos do Volter, a primeira conversa xirará ao redor do contexto histórico de Ucraína antes da guerra que está a vivir actualmente. Presentado e moderado por Serxio María Rodríguez Álvarez, profesor de Ciencias Políticas na Universidade de Vigo, o relator convidado será Xosé Manuel Núñez Seixas, catedrático de Historia Contemporánea na USC, que falará de “Ucraína: as guerras da memoria antes da guerra”.
A actividade, organizada pola Fundación Carlos Casares e o Liceo de Ourense, está patrocinado pola Xunta de Galicia e pola Deputación de Ourense.
O xoves 5 de decembro, ás 19 horas, a Fundación Carlos Casares e o Concello de Nigrán presentarán o caderno de gravados As laranxas máis laranxas de todas as laranxas. Intervirán o autor da obra, Xosé Poldras, doutor en Belas Artes; e mais José Ángel Cid, profesor do departamento de Matemáticas da Universidade de Vigo.
O interludio musical correrá a cargo do Grupo de Cámara da Agrupación Musical de Vincios. A Deputación de Pontevedra subvencionará a actuación dentro do seu programa Culturea.
