O martes, día 7, comeza no Centro Cultural Marcos Valcárcel, da Deputación de Ourense, o Simposio que anualmente dedica a RAG ao escritor homenaxeado no Día das Letras Galegas. O Simposio, este ano, está dedicado a Carlos Casares e terá catro sedes consecutivas: Ourense, Vigo, Santiago de Compostela e A Coruña, as catro cidades que marcaron o devir profesional do escritor protagonista das Letras Galegas 2017.
O Simposio está organizado pola Real Academia Galega, o Consello da Cultura Galega e mais a Fundación de Carlos Casares e conta co apoio da Consellería de Cultura da Xunta de Galicia.
