Os próximos 22 e 23 de novembro terá lugar no Centro Social Caixanova de Santiago de Compostela (Praza de Cervantes) a segunda edición do Foro Fundación Carlos Casares – Caixanova, baixo o título Galicia Internacional. Estratexias de promoción cultural.
O foro, coordinado por Manuel F. Vieites, ten como obxectivo abordar o funcionamento de diferentes estratexias de promoción da cultura que se aplican en distintos ámbitos temáticos. Pretende que sirva de análise e reflexión sobre os modelos xerados polas institucións invitadas (festivais de artes escénicas, fundacións culturais e casas-museo).
O primeiro dos conferenciantes é Antonio González Padrón, presidente da ACAMFE (Asociación de Casas-Museo e Fundacións de España) e membro do Consello de goberno do ICOM (International Council of Museums), que participará o luns 22 de novembro sobre as fundacións como foco de promoción cultural.
Ao día seguinte, martes 23, contaremos con Stewart Collins, presidente de BAFA (British Arts Festivals Association) e director artístico do Festival de Hensey (Uk), que falará da experiencia dos festivais como modelo de promoción cultural.
E para rematar, o día 16 de decembro teremos a Agustín Pérez Rubio, director do Museo de Arte Contemporáneo de Castilla y León, MUSAC, para coñecer a experiencia dun dos centros máis innovadores dentro do panorama español dos museos de arte.
