Cartel Curso “Os dereitos humanos no século XXI” da Cátedra Carlos Casares Ao abeiro da Cátedra Carlos Casares da Universidade de Vigo – Campus de Ourense,  levarase a cabo no Salón de Graos da Facultade de Dereito de Ourense  e durante os días 2 e 3 de novembro o Curso “Os dereitos humanos no século XXI“.  Coordinado polos profesores Ana Garriga e Roberto Bustillo, trátase dun curso de formación para profesionais e estudantes que contará con reputados especialistas en dereitos humanos como Gregorio Peces-Barba, Lorenzo Martín-Retortillo, María del Carmen Barranco ou Rafael de Asís.A Cátedra Carlos Casares está financiada pola Deputación Provincial de Ourense e organiza actividades académicas de carácter formativo, divulgativo e científico sempre no ámbito do Campus de Ourense. Para este curso cóntase, tamén, coa colaboración do Instituto de Dereitos Humanos Bartolomé de las Casas e da Facultade de Dereito de Ourense.A inscrición ao Curso é gratuíta e pode formalizarse mediante chamada ao teléfono 986.225.785 ou no correo info@fundacioncarloscasares.org

Enlace: Curso “Os dereitos humanos no século XXI”