O vindeiro venres día 2 de decembro ás 20.15 horas terá lugar, nos salóns do Liceo de Ourense (rúa Valentín Lamas Carvajal, 5), a presentación da novela de Ramón Pernas: En la luz inmóvil. O acto, que está organizado pola institución ourensá e o Centro de Estudos Carlos Casares, contará coa presenza do autor e mais do escritor Xosé Carlos Caneiro.
Con esta novela, que fai a sétima do seu historial, Ramón Pernas vén de gañar o XI Premio de Novela Emilio Alarcos Llorach, fallado en febreiro pasado. En la luz inmóvil está publicada por Algaida editores, do grupo Anaya.
Ramón Pernas naceu en Viveiro en 1952. Escritor, crítico e guionista, foi director da editorial Espasa Calpe e na actualidade é director de Ámbito Cultural (El Corte Inglés). A súa novelística está composta por Si tú me dices ven (1996), El pabellón azul (1998), Paso a dos (1999, Premio Ateneo de Sevilla), Brumario (2000), Libro de actas (2003) y Del viento y la memoria (2006). En 2008 publicou Poesía (in)completa, que reúne nun único volume a práctica totalidade da súa obra poética.
