A Fundación Carlos Casares leva desenvolvendo a súa actividade cultural dende a súa constitución, en setembro de 2002. Tras case dez anos de incansable labor, queremos poñer á vosa disposición o arquivo audiovisual de actividades da fundación, que iremos incrementando na medida das nosas posibilidades e cos novos proxectos que vaian xurdindo. Case unha década de conferencias sobre unha múltiple miríade de temas, das cales escollemos aquelas que teñen maior relevancia para todas aquelas persoas que visiten o noso web.
A sección de “Actividades” está a piques de ser remodelado para acoller toda esta cantidade de material audiovisual. Ademais, na columna lateral iremos destacando, de forma periódica, os vídeos ou audios máis salientables. Como aperitivo, este mes recuperamos a intervención de María Martinón “A evolución humana a través da dentición“, do ano 2009, no marco do III Ciclo Ciencia e Sociedade (“Darwin 2009: a evolución 150 anos despois”).
